وزیراعظم کی معاون خصوصی برائے اطلاعات ونشریات فردوس عاشق اعوان کا کہنا ہے کہ سی پیک سے متعلق امریکی خدشات سے اتفاق نہیں کرتے۔
فردوس عاشق اعوان نے کہا کہ سی پیک ہماری ترجیح نمبر ایک ہے، سی پیک سے متعلق امریکی خدشات سے اتفاق نہیں کرتے ،یہ راہداری پورے خطے کی اقتصادی ترقی اور خوشحالی کی نئی راہیں کھولے گی۔
یہ منصوبہ ہماری اقتصادی ترقی کا ضامن ہے۔چین ہمارا قریبی دوست ہے، آزمائش کی ہر گھڑی میں ہمیشہ ڈٹ کر ساتھ دیا۔
— Firdous Ashiq Awan (@Dr_FirdousPTI) November 24, 2019
انہوں نے کہا کہ سی پیک منصوبہ ہماری اقتصادی ترقی کا ضامن ہے، چین ہمارا قریبی دوست ہے جس نے آزمائش کی ہر گھڑی میں ہمیشہ ڈٹ کر ساتھ دیا ہے، چین سے لیے گئے کمرشل قرض میں آنے والے ماہ و سال میں کمی نظر آئے گی۔
معاون خصو صی نے مزید کہا کہ پاک چین دوستی ہمالیہ سے بلند اور سمندروں سے گہری ہے اور ایک مثال بن چکی ہے، سی پیک کے تحت اقتصادی زونز کے قیام سے خوشحالی اور روزگار کے مواقع پیدا ہوں گے۔
شہد سے میٹھی، ہمالیہ سے بلند اور سمندروں سے گہری پاک چین دوستی دنیا میں ایک مثال بن چکی ہے۔سی پیک کے تحت اقتصادی زونز کے قیام سے عوام کیلئے خوشحالی اور روزگار کے مواقع پیدا ہوں گے۔چین سے لیے گئے کمرشل قرض میں آنے والے ماہ و سال میں کمی نظر آئے گی۔
— Firdous Ashiq Awan (@Dr_FirdousPTI) November 24, 2019