نیپرا نے بجلی گیارہ پیسے فی یونٹ مہنگی کرکے عوام سے وصول کرنے کا نوٹیفکیشن جاری کردیا
اسلام آباد( مانیٹرنگ ڈیسک) نیپرا نے بجلی گیارہ پیسے فی یونٹ مہنگی جبکہ اوگرا نے دسمبر کیلئے ایل این جی کی قیمت میں کمی کا نوٹیفکیشن جاری کردیا۔ تفصیلات کے مطابق بجلی کی قیمت میں حالیہ اضافے سے عوام پر12 ارب روپے کا اضافی بوجھ پڑیگا۔ قیمتوں کا اطلاق یکم دسمبر 2019 سے ہوگا۔ نیپر اکی جانب سے جاری ہونیو الے نوٹیفکیشن کے مطابق بجلی کی قیمت میں اضافہ جولائی تا ستمبر2019 ء کے بقایاجات کی مد میں کیا گیا ہے اور عوام سے ایک سال کے دوران وصولی کی جائیگی۔ صارفین کو یکم دسمبر 2019 ء سے اضافی رقم ادا کرنا ہوگی۔