لندن/ دمشق (صباح نیوز) شام کے شمال مغربی صوبے ادلب میں اسد رجیم اور اس کے اتحادی روس کی جانب سے کیے جانے والے مختلف فضائی حملوں میں 8 بچوں سمیت 26 شہری ہلاک اور درجنوں زخمی ہوگئے۔ غیرملکی خبررساں ادارے کے مطابق برطانیہ میں قائم شامی رصدگاہ برائے انسانی حقوق کے مطابق گاؤں البرا پر بمباری سے ایک بچے سمیت 4 شہری، قریبی علاقے جبل الزاویہ پر بمباری سے بچے سمیت 2 افراد، گائوں عبدیتا پر بمباری سے 3 بچوں سمیت11 افراد ہلاک ہوئے جبکہ گائوں باجغس پر حملے میں ایک بچہ نشانہ بنا۔