کراچی (اسٹاف رپورٹر) سندھ ہائی کورٹ سمیت ماتحت عدالتوں میں تعطیلات کا اعلان کر دیا گیا، اعلامیہ کے مطابق موسم سرما کی تعطیلات کا آغاز 26 دسمبر سے ہوگا۔ تعطیلات کا اختتام 9 جنوری 2020ء کو ہوگا۔ تعطیلات کے دوران سکھر، لاڑکانہ، حیدرآباد بینچ میں معمول کا کام ہوگا، پیر تا جمعرات صبح ساڑھے 9 سے دوپہر ایک بجے تک عدالتیں کام کریں گی جمعہ کے روز کام ساڑھے 9 بجے سے شروع ہو کر دوپہر 12 بجے ختم ہوگا۔ آفس اسٹاف پیر تا جمعرات ساڑھے 9 سے ڈیڑھ بجے تک عدالتی عملہ موجود ہوگا جمعہ کو عملہ صبح 9 سے ساڑھے 12 بجے تک کام کرے گا۔