لاڑکانہ(نمائندہ جسارت) لاڑکانہ میں رند قومی اتحاد کی جانب سے واہی پاندھی کے پہاڑی علاقے کی رہائشی متوفی بچی گل سماں کے خون کے ساتھ انصاف کے لیے پریس کلب کے سامنے احتجاجی مظاہرہ کیا گیا۔ اس موقع پر عبدالوہاب رند، رئس احسان رند، محمد رمضان رنداور موٹن رند و دیگر کا کہنا تھا کہ گل سمان کھیلنے کے دوران پہاڑی تودہ گرنے کے باعث جان بحق ہوئی لیکن کچھ بااثرافراد نے اس واقعے کو سیاہ کاری کے بعد گل سماں کو سنگسار کرنے کا واقعہ پیش کرکے رند قوم کے خلاف بڑی سازش کی ہے۔انہوں نے مطالبہ کیا کہ گل سماں رند کے والدین کو انصاف فراہم کیا جائے ۔