کراچی (کرائم ڈیسک) اغوا کاروں سے تاوان دے کر بازیاب ہونے والی دعا منگی کے والد نے حکومت سندھ سے تاوان میں دی گئی رقم اور دیگر اخراجات طلب کر لیے ہیں۔ خاندانی ذرائع نے انکشاف کیا ہے کہ دعا منگی کی بقیہ تعلیم امریکا میں ہونی ہے اور اغوا کاروں کو تمام جمع پونجی دے دی گئی ہے، اس لیے دعا منگی کے والد نے حکومت سندھ سے تمام رقم کا مطالبہ کر دیا ہے تاکہ دعا منگی امریکا جاکر اپنی تعلیم مکمل کر سکے۔ خاندانی ذرائع نے ایک سوال کے جواب میں بتایا کہ تاوان میں ادا کی گئی اصل رقم اور دیگر معاملات دعا منگی کے والد خفیہ رکھ رہے ہیں تاہم حکومت سندھ سے رقم کے حصول کے لیے حکومت سندھ کی کچھ شخصیات شامل ہیں۔