لاڑکانہ (نمائندہ جسارت) پاکستان پیپلز پارٹی کی ذیلی تنظیم پیپلز ہاری کمیٹی تحصیل لاڑکانہ کا صدر مقرر ہونے پر دستگیر کھوسہ کو دوست، احباب اور شہریوں کی جانب سے مبارکباد دینے کا سلسلہ جاری ہے، گزشتہ روز کسان رہنماؤں، شہریوں سمیت مختلف طبقہ فکر سے تعلق رکھنے والے افراد نے ان کی رہائشگاہ پہنچ کر انہیں مبارکباد دی۔ اس موقع پر دستگیر کھوسہ کا کہنا تھا کہ چیئرمین بلاول زرداری نے مجھ پر اعتماد کرکے پیپلز ہاری کمیٹی تحصیل کا صدر مقرر کیا ہے میری کوشش ہوگی کی کہ پارٹی رہنماؤں کے نقش قدم پر چل کر غریب ہاریوں اور کسانوں کے مسائل حل کرسکوں۔