کراچی (اسٹاف رپورٹر) ریلوے لوکو شیڈ کراچی کے ٹیکنیکل اسٹاف نے ریلوے انتظامیہ کو پیش کیے گئے مطالبات کی عدم منظوری کے خلاف آج کام چھوڑ احتجاج کی دھمکی دے دی۔ لوکو شیڈ ٹیکنیکل اسٹاف کے احتجاج کے باعث کراچی سے اندرون ملک ٹرینوں کی روانگی شدید متاثر ہونے کا خدشہ ہے۔ ریلوے لوکو شیڈ کراچی کے ٹیکنیکل اسٹاف نے مطالبات کی عدم منظوری کے خلاف لوکو شیڈ کراچی کینٹ میں آج ہفتہ کو کام چھوڑ احتجاج کی تیاری کر لی ہے۔