سابق وفاقی وزیر برائے مذہبی امور سردار محمد یوسف نے حکومت کو ایک لاکھ روپے کم میں حج کرانے کا چیلنج دے دیا۔
نجی ٹی وی کے مطابق سردار محمد یوسف نے حکومت کو چیلنج دیتے ہوئے کہا ہے کہ وہ ایک اس مشکل معاشی حالات میں بھی حج ایک لاکھ روپے کم میں کرواسکتے ہیں۔
انہوں نے کہا کہ حکومت نے حج پیکیج 4 لاکھ 90 ہزار روپے رکھا ہے جب کہ وہ 3 لاکھ 90 ہزار روپے میں حج کرواسکتے ہیں۔
سردار یوسف نے کہا ہے کہ حکومت دعویٰ کرتی ہے کہ وہ مدینے کی ریاست بنارہی ہے لیکن موجودہ حکومت نے مقدس فریضہ کو بھی نہیں بخشااور اس مقدس عبادت کوبھی معاف نہیں کیا۔
ان کا مزید کہنا تھا کہ مسلم لیگ(ن) نے ملکی تاریخ میں حج کے بہترین انتظامات کیے تھے اور حج اخراجات میں بھی نمایاں کمی کی تھی۔
