جاوید لطیف کی ضمانت کیخلاف عدالت عظمیٰ میں نیب کی اپیل دائر

اسلام آباد(آن لائن)نیب نے مسلم لیگ ن کے ایم این اے میاں جاوید لطیف کی ضمانت منسوخی کے لیے عدالت عظمیٰ میں درخواست دائر کر دی ہے ۔نیب کی طرف سے عدالت عظمیٰ میں دائر کردہ درخواست میں موقف اپنایا گیا ہے کہ لاہور ہائی کورٹ کے حکم کی وجہ سے نیب جاوید لطیف کو گرفتار نہیں کرسکتا۔ نیب جاوید لطیف کیخلاف انکوائری کررہا ہے، لاہورہائی کورٹ کا حکم انکوائری میں مداخلت ہے۔ ہائیکورٹ کے 26 دسمبر کے فیصلے کو کالعدم قرار دیا جائے۔درخواست میں میاں جاوید لطیف ان کی والدہ بیٹے اور4 بھائیوں کو فریق بنایا گیا ہے۔ملزمان پر آمدنی سے زائد اثاثہ جات بنانے کا الزام ہے۔