لاہور میں پولیس نے شوہر کے قتل کی ملزمہ کو 19 سال بعد گرفتار کر لیا۔
شاہدرہ انویسٹی گیشن پولیس کے ترجمان کے مطابق اشتہاری ملزمہ سلامہ بی بی نے 19 سے قبل 2001 میں اپنے دوست لئیق خان کے ساتھ مل کر اپنے شوہر خان پور کو قتل کر دیا تھا۔
پولیس کے مطابق ملزمہ سلامہ بی بی قتل کی واردات انجام دینے کے بعد خیبر پختون خوا کے علاقے صوابی فرار ہو گئی تھی۔ ملزمہ نے واردات کے ایک سال بعد لئیق خان سے شادی رچالی تھی۔
شاہدرہ انویسٹی گیشن پولیس نے 19 سال سے مفرور ملزمہ سلامہ بی بی کو جدید ٹیکنالوجی کی مدد سے گرفتار کیا۔