مقبوضہ بیت المقدس (انٹرنیشنل ڈیسک) قابض اسرائیلی فوجیوں نے منگل کی صبح بغیر اجازت تعمیر کا بہانہ بنا کر سلفیت صوبے کے قروت بنی حسن قصبے میں زیر تعمیر مکان مسمار کردیا۔ مقامی ذرائع کے مطابق صہیونی اہل کاروں کے پہرے میں اسرائیلی انتظامیہ نے بھاری مشینری استعمال کرتے ہوئے قصبے میں دھاوا بولا اور قتیبہ راضی کی زیر ملکیت مکان مسمار کرڈالا۔ ایک اسرائیلی انسانی حقوق کے گروپ بتسلیم کے مطابق 2006ء سے لے کر 30 جون 2020ء تک اسرائیل نے مغربی کنارے میں کم از کم ایک ہزار 583 فلسطینی مکانات مسمار کیے ہیں۔
