واشنگٹن(اے پی پی) امریکی وزیر خارجہ مائیک پومپیو(آج) پیر کو اسرائیل اور (کل) منگل کو متحدہ عرب امارات کا دورہ کریں گے ۔ مائیک پومپیو کے متحدہ عرب امارات اور اسرائیل کے دورے کا مقصد حال ہی میں ان کے درمیان ہونے والے امن معاہدے کو آگے بڑھانا، چین اور ایران جیسے اہم معاملات پر اپنے دیرینہ اتحادیوں سے صلاح مشورہ کرنا ہے عالمی میڈیا کے مطابق ذرائع نے اپنا نام ظاہر نہ کرنے کی شرط پر بتایا کہ پومپیو کے ایجنڈے میں ان سیکورٹی چیلنجوں پر تبادلہ خیال کرنا بھی شامل ہے جو ایران اورچین کی وجہ سے امریکا کو درپیش ہیں۔امریکی میڈیا نے بتایا ہے کہ پومپیو ایک علاقائی دورے کے تحت آئندہ ہفتے سوڈان کا دورہ کریں گے۔
مائیک پومپیو آج اسرائیل اورکل امارات کا دورہ کریں گے
القمر