ایرانی سپریم لیڈر آیت اللہ خامنہ ای نے بیرون ملک مقیم ایرانیوں کو ہدایت کی ہے کہ وہ ‘آئی فون’ کی درآمد روک دیں جبکہ بیرون ملک کسی قسم کی جائیدادوں کی خریداری سے باز رہیں۔
عرب میڈیا کے مطابق خامنہ ای نے اپنے ویڈیو بیان میں کہاہے کہ بیرون ملک سے ایران میں آئی فون کی درآمد پر ہمیں تشویش ہے، گزشتہ برس ایرانی شہریوں نےآئی فون اور اس طرز کے دیگر مہنگے اسمارٹ فون کی درآمد پر تقریبا نصف ارب ڈالر کی رقم خرچ کیے حالانکہ اس کا کوئی’جواز’ نہیں۔
Национальное производство – главный ключ к занятости, благополучию, росту национальной валюты. Одним из препятствий на пути производства является безудержный импорт и импорт предметов роскоши. В прошлом году на импорт только американских смартфонов было потрачено около $0.5 млрд.
— Аятолла Хаменеи (@Khameneiru) August 23, 2020
دوسری جانب عرب میڈیا نے دعویٰ کیا ہے کہ ‘خامنہ ای کے دفتر نے ان کے بیان کے اس حصے کو آفیشل ویب سائٹ پر شائع نہیں کیا’۔
آیت اللہ خامنہ ای نے شہریوں پر زور دیا کہ وہ بیرون ملک جائیدادوں کی خریداری سے باز رہیں،ایران کے لیے شہریوں کا دوسرے ملکوں میں جائیدادیں خریدنا ایک بڑا مسئلہ ہے،حکومت کو اس سے نمٹنا ہوگا۔
یاد رہے کہ گزشتہ 2 برسوں کے دوران ایرانی شہریوں کی بڑی تعداد نے ترکی جیسے ممالک میں جائیدادیں خریدی ہیں ،ایران میں کورونا کی وبا پھیلنے کے باوجود بیرون ملک جائیدادوں کی خریداری کا سلسلہ جاری رہا ہے۔
ایرانی نیوز ایجنسی ‘ارنا’ کی رپورٹ کے مطابق اگست 2019 میں ایرانی شہریوں کی ترکی کی طرف نقل مکانی کی اور وہاں پر جائیدادوں کی خریداری میں 50 فیصد اضافہ ہوا۔