لیبیا کے وزیراعظم کا مدد کرنے پر ترکی سے اظہارِ تشکر

طرابلس (انٹرنیشنل ڈیسک) لیبی وزیر اعظم فائز سراج نے مشکل حالات میں مدد کرنے پر تُرکی کا شکریہ ادا کیا۔ انہوں نے سرکاری ٹیلی ٹی وی پر اپنے خطاب میں کہا کہ حکومت قائم کرنے کے لیے ملک میں ہنگامی حالت کے نفاذ کی ضرورت پڑ سکتی ہے اور اس سلسلے میں کابینہ میں رد وبدل کیا جائے گا۔ انہوں نے صدارتی کونسل اور عام انتخابات کو آیندہ برس مارچ میں منعقد کیے جانے کی اپیل کا اعادہ کرتے ہوئے کہا کہ وہ لیبیا میں فریقین کے لیے قابل قبول ہر معاہدے پر عمل کے لیے تیار ہیں۔