عید پر کورونا ایس او پیز کی خلاف ورزی گڈاپ فارم ہاؤس سے لڑکیوں سمیت 19 افراد گرفتار

عید کی چھٹیوں میں کورونا وائرس کا پھیلاؤ روکنے کے لیے رائج ایس او پیز کی خلاف ورزی پر پولیس
نے بڑی کارروائی کی ہے۔ گڈاپ فارم ہاؤس میں ڈانس پارٹی منعقد کرنے والے شخص سمیت 19 مہمان گرفتار کر لیے گئے۔
ایس ایس پی ملیر عرفان بہادر کا کہنا ہے گرفتار افراد میں 07 خواتین بھی شامل ہیں۔

پولیس نے فارم ہاؤس سے شیشہ/حقہ، تمباکو اور دیگر سامان تحویل میں لے لیا۔ فارم ہاؤس کو سیل کر دیا گیا ہے۔
پولیس نے گرفتار افراد کیخلاف مقدمہ نمبر 219/2021 درج کر لیا۔