متحدہ عرب امارات میں شعبہ طب میں بہترین خدمات کے اعتراف پر پاکستان کے ڈاکٹر سراج احمد کھتری کی
فیملی کو گولڈن ویزا دیا گیا ہے۔ ڈاکٹر سراج، ان کی اہلیہ اور دو سالہ بچی کو اب اگلے دس سال تک ویزا
رنیو نہیں کرانا پڑے گا۔
سندھ کے چھوٹے شہر ماتلی سے تعلق رکھنے والے ڈاکٹر سراج نے اپنی پروفیشنل تعلیم کراچی سے حاصل کی۔
وہ سات سال پہلے متحدہ عرب امارات منتقل ہوئے ابھی وہ راس الخیمہ کے الزراوی اسپتال میں جنرل فزیشن
کے طور پر خدمات انجام دے رہے ہیں۔
ان کی خدمات کے صلے میں گولڈن ویزا سے نوازا گیا۔ ڈاکٹر سراج نے اسے اپنے اور ملک کے لیے اعزاز قرار دیا ہے۔