کورونا وائرس کا پھیلاؤ روکنے کے لیے بزرگان دین کے مزارات پر عائد کی گئی پابندی اٹھائی جارہی ہے۔ سندھ
بھر میں عبداللہ شاہ غازی کے مزار سمیت تمام مزار پر عقیدت مند آج سے حاضری دے سکیں گے۔
سندھ حکومت کے مطابق عقیدت مندوں کو ماسک اور سینی ٹائزر ضرور کرنا ہوگا تاکہ کورونا کا مہلک
مرض متاثر نہ کر سکے۔
تاہم کھانسی یا درجہ حرارت بڑھنے کی صورت میں کسی کو مزار پر حاضری کی اجازت نہیں ہو گی ۔
خیال رہے کورونا وائرس نے دنیا بھر کو متاثر کر رکھا ہے اس سے خود کو اور اپنے اہل خانہ کو محفوظ رکھنے
کے لیے سب ہی کو احتیاط کرنا ہو گی۔ اسی میں سب کی بچت ہے۔