متحدہ عرب امارات نے اپنے شہریوں کے پاکستان کا سفر کرنے پر پابندی لگا دی ہے۔ خارجہ امور کی وزارت نے
کہا ہے کہ اس کے شہری بھارت، پاکستان، بنگلہ دیش، نیپال، سری لنکا، ویتنام،نمیبیا، زیمبیا، کانگو، یوگنڈا،
سیرالیون، لائبیریا، جنوبی افریقا اور نائجیریا کا سفر نہیں کرسکتے۔
متحدہ عرب امارات کے سفیروں، آفیشل وفود اور وہ افراد جن کے پاس ماضی میں بزنس ویزہ ہوں انہیں اس
پابندی سے استثنا حاصل ہوگا۔
اعلامیہ میں کہا گیا ہے کہ سیر و سیاحت کا موسم اپنے عروج پر ہے لیکن بدقسمتی سے کورونا وائرس کی وبا
نے سب کچھ بدل کر رکھ دیا ہے۔ موجودہ صورت حال میں اپنے شہریوں کو اس آفت سے بچانے کےلیے انتہائی
قدم اٹھایا گیا ہے۔