پشاور سمیت صوبے کے8تعلیمی بورڈز میں آج سے نویں اورگیارہویں جماعت کے امتحانات کا آغاز ہوگیا ہے۔پشاور کے8تعلیمی بورڈ میں کل6لاکھ72ہزار196طلباءمتحانات دیں گےجس میں نویں جماعت کے 4لاکھ15ہزار962طلباء اورگیارہویں جماعت کے2لاکھ 56ہزار234طلباء امتحانات دے رہے ہیں۔
خیبرپختونخواکے 8اضلاع میں نویں جماعت کے امتحانات کیلئے2ہزار554امتحانی مراکز اورگیارہویں جماعت کیلئے صوبے کے 8اضلاع میں13سو85امتحانی مراکز قائم کئے ہیں۔جبکہ امتحانی ہالوں کے اطراف میں فوٹواسٹیٹ مشین لگانے پر دفعہ 144نافذاورامتحانی ہالز میں موبائل فونز اور دیگر آلات لانے پر مکمل پابندی عائد ہوگی۔امتحانی ہالوں کی سی سی ٹی کیمروں سے نگرانی کی جائے گی۔ویکسینیشن نہ لگوانے والے اساتذہ کو امتحانی ڈیوٹی کے لیے نہیں چھوڑا جائے گا۔محکمہ تعلیم کے حکم پر نقل کرنے والے اور نقل فراہم کرنے والے اساتذہ اور طلبہ کے ساتھ سختی سے پیش آیا جائے گا۔