آمدن سے زائد اثاثہ جات کیس میں پیپلز پارٹی کے مرکزی رہنما سید خورشید احمد شاہ کی گرفتاری کو دو سال مکمل ہوگئے ہیں۔ رہائی نہ ہونے کے خلاف جیالوں نے سکھر میں احتجاج کیا اور بھوک ہڑتال کی۔
رکن قومی اسمبلی سید خورشید احمد شاہ کو نیب سکھر کی جانب سے آمدن سے زائد اثاثہ جات کیس میں دو سال قبل اٹھارہ ستمبر کو اسلام آباد سے حراست میں لیا تھا۔خورشید شاہ سمیت انکی اہلیہ، بیٹوں اور بھتیجوں سمیت اٹھارہ افراد پر ایک ارب تیئس کروڑ کا ریفرنس احتساب عدالت میں دائر جبکہ خورشید شاہ اور انکے فرزند سید فرخ شیخ زیر حراست ہیں، مرکزی رہنما کی گرفتاری اور رہائی نہ ہونے کے خلاف جیالوں کی جانب سے سکھر میں احتجاجی کیمپ قائم کرکے بھوک ہڑتال کی جاری ہے۔
