کراچی میں سمندری طوفان کا خطرہ ٹلتے ہی لاکھوں شہری سید عبداللہ شاہ غازی مزار پر حاضری کیلئے
پہنچ گئے جہاں بڑی تعداد میں آئے ہوئے زائرین کی سیکیورٹی کیلئے مزار انتظامیہ کو ہنگامی انتظامامت
کرنا پڑے۔
زائرین سمندری طوفان کے خطرات ٹلنے پر اللہ تعالی کے حضور کلمات شکرانہ ادا کر رہے تھے شہریوں کا کہنا
تھا کہ اللہ تعالی نے ہمیشہ کی طرح اس بار بھی سید عبداللہ شاہ غازی کے طفیل اس شہر کو اپنی حفظ و امان
میں رکھا۔
گذشتہ شب سے ہی سمندری طوفان گلاب کی آمد کے خطرات کے پیش نظر کراچی انتظامیہ نے سمندری ساحل
کے قریب سخت حفاظتی انتظامات کر رکھے تھے تاہم مزار پر شہریوں کی آمد کا سلسلہ جاری تھا جو کراچی
کی حفاطت کیلئے خصوصی دعائیں کر رہے تھے۔
ٹی وی چینلز پر طوفان کا خطرہ ٹلنے کی خبر نشر ہوتے ہی شدید بارش کے باوجود شہری بڑی تعداد میں مزار
پر پہنچ گئے مسجد سے ملحقہ مسجد میں نوافل شکرانہ ادا کئے گئے۔
شہریوں نے یہاں بڑی تعداد میں لنگر بھی تقسیم کیا شہریوں کا کہنا تھا کہ سید عبداللہ شاہ غازی کی ذات
شہریوں کیلئے نعمت خداوندی کا درجہ رکھتی ہے ان کی دعائوں کے طفیل اللہ کریم نے کراچی کو ہمیشہ
ہر آفت سے محفوط رکھا۔
No related posts.