کراچی گٹکے،ماوےکی فروخت میں پولیس افسران ملوث،رینجرزکومددکاحکم

کراچی میں گٹکا ،ماوا اور دیگر مضر صحت چیزوں کی فروخت کے خلاف درخواست کی سماعت کے دوران سندھ ہائیکورٹ نے ملوث پولیس اہلکاروں اور افسران کے خلاف کارروائی کا حکم دے دیا۔عدالت نے گٹکا اور ماوا کی فروخت میں ملوث افسران کی فہرستیں مرتب کرنےکابھی حکم دیا۔جسٹس صلاح الدین پہنورنےریمارکس دئیےکہ لگتا ہے گٹکے کی فروخت میں پولیس کے اعلی افسران بھی شامل ہیں۔عدالت نے ایسے پولیس اہلکاروں اور افسران کی جائیدادوں کی تفصیلات بھی طلب کرلی۔عدالت نےریمارکس میں کہاکہ پولیس کی سرپرستی کے بغیر گٹکے فروخت ممکن ہی نہیں۔عدالت نے ساتھ ہی گٹکا اور ماوا کی خرید و فروخت روکنے کے لیے رینجرز کی مدد لی جائے۔عدالت نے ڈی آئی جی سے افسران کے خلاف کارروائی سے متعلق رپورٹ بھی طلب کرلی۔