چپ تعزیہ کے جلوسوں پر حملوں کا خدشہ ڈبل سواری پر پابندی

ایام عزا کے آخری اور الوداعی چپ تعزیہ کے جلوسوں پر سندھ بھر میں سیکیورٹی کے خدشات ظاہر کیے گئے ہیں۔ ان جلوسوں پر دہشت گردوں کی جانب سے ممکنہ حملوں کا خدشہ سامنے آیا ہے۔

سندھ حکومت نے خفیہ اطلاعات کی روشنی میں 15 اکتوبر کو صوبے کے 7 بڑے شہروں میں ڈبل سواری پر پابندی عائد کرنے کا فیصلہ کیا ہے۔
پابندی کا اطلاق کراچی، حیدرآباد، سکھر، میرپور خاص، لاڑکانہ، خیرپور اور شہید بینظیر آباد میں ہو گا۔ محکمہ داخلہ سندھ کے مطابق چپ تعزیوں کے جلوس جمعہ کو نکالے جارہے ہیں۔ سیکیورٹی خدشات کے پیش نظر ڈبل سواری پر پابندی عائد کی گئی ہے۔ محکمہ داخلہ سندھ نے ڈبل سواری پر پابندی کا نوٹی فکیشن بھی جاری کردیا ہے۔