پاکستان پیپلز پارٹی گوجرخان کے سینئر رہنما سید شبر عباس ایڈووکیٹ کی قیادت میں پیپلز پارٹی کے
کارکنوں، سول سوسائٹی کے نمائندوں، تاجروں، وکلا طلبہ اور مہنگائی سے ستائے ہوئے عوام نے گوجرخان
میں زبردست احتجاجی مظاہرہ کیا۔
یہ مظاہرہ کشمیر ہوٹل سے شروع ہو کر گوجرخان چوک میں اختتام پذیر ہوا جہاں مظاہرین نے جی ٹی
روڈ کو کچھ دیر کے لئے بند کر دیا۔ اس موقع پر سید شبر عباس ایڈووکیٹ، رمضان مرزا ایڈووکیٹ، رہنما
جماعت اسلامی راجہ محمد جواد ،باسط بلال راجہ،بلال صغیر منہاس، قادر نواز قادری،مامون الرشید
ایڈووکیٹ اور سید لیاقت حسین شاہ نے خطاب کرتے ہوئے کہا آج کا یہ احتجاج اس تحریک کا نقطہ
آغاز ہے جس کی کال پیپلز پارٹی کے قائد بلاول بھٹو زرداری نے مہنگائی ،بیروزگاری اور پٹرولیم مصنوعات
کی قیمتوں میں اضافے کے خلاف دی ہے۔
مقررین نے کہا موجودہ حکمرانوں نے عوام کا کچومر نکال کر رکھ دیا ہے آئے روز کی مہنگائی نے عوام
سے جینے کا حق بھی چھین لیا ہے مظاہرین نے حکومت کے خلاف شدید نعرے بازی کی اور مہنگائی
کم کرنے کا مطالبہ کیا۔
No related posts.