وزیر اعلی سندھ کے معاون خصوصی پیپلزپارٹی سندھ کے جنرل سیکرٹری وقار مہدی نے ایم کیو ایم کے بیانات پر ردعمل دیتے ہوئے کہا ہے کہ ایم کیو ایم عمران خان کے عوام پر کئے گئے ہر ظلم میں برابر کی شریک ہے۔
ایم کیو ایم کراچی کی عوام کے جذبات سے کھیلنا بند کرے۔ عمران خان کی حکومت میں آج بھی ایم کیو ایم وزارتوں کے مزے لوٹ رہی ہے۔ ایم کیو ایم ایک دن تو دور کی بات ایک گھنٹہ بھی اقتدار کے بغیر نہیں رہے سکتی۔
ایم کیو ایم اور عمران خان ایک سکے کے دو رخ ہیں۔ ایم کیو ایم کراچی کی با شعور عوام کو اپنے دوغلے بیانات سے بےوقوف نہیں بنا سکتی۔ ایم کیو ایم اقتدار کی وہ مچھلی ہے جو پانی کے بنا زندہ نہیں رہ سکتی۔