ارشد خان تنولی نے مظفرآباد ٹائیگرز کو الوداع کہہ دیا

مظفرآباد ٹائیگرز کے مالک ارشد خان تنولی چئیرمین مظفرآباد ٹائیگرز کے عہدے سے علیحدہ ہوگئے۔سابق چیئرمین مظفرآباد ٹائیگرز آج سے چیرمین کشمیر پریمئر لیگ کا عہدہ سنبھالیں گے۔ارشد خان تنولی نے کشمیر پریمئر لیگ کے 35 فیصد شیئرز خریدے ہیں۔ نو منتخب چئیرمین ارشد خان تنولی کا کہنا ہے کہ مظفرآباد ٹائیگرز کو چھوڑنا ایک مشکل فیصلہ ہے۔۔ میرے لیے مظفرآباد ٹائیگرز ایک بچے کی طرح ہے۔۔انکا کہنا تھا کہ مشکل وقت میں لیگ کے چیرمین کا عہدہ سنبھال رہا ہوں ۔۔میں جانتا ہوں کہ لیگ کی چیرمین شب پھولوں کے سیج نہیں ہے اور میں یقین دلاتا ہوں کشمیر پریمئر لیگ کا اگلہ سیزن پہلے سے زیادہ کامیاب ہوگا ۔اس موقع پر صدر کشمیر پریمئر لیگ عارف ملک کا کہنا تھا کہ ارشد خان تنولی کو لیگ میں خوش آمدید کہتے ہیں۔امید ہے انکے آنے سے لیگ مزید کامیاب اور مضبوط ہوگی۔۔مظفرآباد ٹائیگرز کے باگ دوڑ نئی انتظامیہ سنبھالے گی۔