پاکستان کی معیشت کو بچانا ہے تو عمران کو بھگانا ہےبلاول بھٹو

پاکستان پیپلز پارٹی نےملکرچاروں صوبوں کےمختلف شہروں،دیہاتوں میں ٹریکٹرٹرالی مارچ کی ہم نےکراچی،راولپنڈی،حیدرآباد،چنیوٹ،سکھر، منڈی بہاؤالدین ،مستونگ،ڈیرہ غازی خان،جعفرآباد،نواب شاہ،لیاقت پور، شہید بینظیر آباد ،بہاولپور،خیرپور،سانگھڑسمیت دیگرشہروں میں ریلیاں نکالی گئیں۔
بلاول بھٹوزرداری نےخطاب میں کہاکہ ہم وقت کی سلیکٹڈ اور کٹھ پتلی حکومت کے خلاف نکل رہے ہیں اور جلد ہی انہیں بھگائیں گے۔انہوں نےکہاکہ اگرہم نے کسان،زرعی معیشت اورپاکستان کی معیشت کو بچانا ہے تو عمران کو بھگانا ہے۔پیپلزپارٹی نےستائیس فروری کوکراچی سے اسلام آبادکی جانب مارچ کابھی عندیہ دیا۔بلاول بھٹونےکہاکہ اگر آج کسان بھوکا سوئے گا تو کل پاکستان بھوکا سوئے گا۔ ہم اپنے کسانوں کا معاشی قتل برداشت نہیں کرسکتے۔
بلاول بھٹونےکہاکہ اس سلیکٹڈ نظام نے زرعی معیشت کو مستقل نقصان پہنچایا ہے اور اب ہم ملکر عمران کو بھگا کررہیں گے۔میں کسی سندھی، اردو، پشتو یا دیگر زبان بولنے والے کے ساتھ ناانصافی نہیں ہونے دوں گا۔