کراچی کے مختلف علاقوں میں گیس کی بندش اور گیس پریشر میں کمی سے شہر ی پریشان ہیں۔ اورنگی ٹاؤن، نارتھ کراچی سے خواتین کی بڑی تعداد سوئی گیس کے دفتر پہنچ گئی۔ مظاہرین کا کہنا ہے بل آتا ہے جسے باقاعدگی سے بھرتے ہیں گیس نہیں آتی ۔ اب تو لکڑیوں پر کھانا پکانے پرمجبور ہیں۔ مظاہرین نے کہا کہ وہ سلینڈر اور لکڑی خریدنے کی حیثیت نہیں رکھتے ہیں۔
سوئی گیس دفتر کی انتظامیہ نے احتجاجی خواتین میں سے تین ارکان کو بات چیت کے لئے دفتر بلالیا۔ انتظامیہ نے کسی بھی بدمزگی سے نمٹنے کے لیے دفتر کے باہر پولیس کی نفری کو طلب کرلیا۔
