سرکاری ملازمین کی تنخواہوں میں 15 فیصد اضافہ کا اعلان

حکومت نے یکم مارچ سے بی ایس 1 سے 19 تک کے پسماندہ ملازمین کو *جاری* بنیادی تنخواہ پر 15 فیصد تفاوت الاؤنس دینے کا فیصلہ کیا ہے۔ وزارت خزانہ کی جانب سے جاری اعلامیے میں کہا گیا ہے کہ صوبوں کو بھی اپنے فنڈز سے یہ پیکج دینے کی تجویز دی گئی ہے۔
وزارت خزانہ کے مطابق فنانس ڈویژن کی جانب سے ٹائم اسکیل پروموشن کے لیے ایک سمری بھی شروع کی گئی ہے تاکہ ایک ہی گریڈ میں طویل عرصے سے پھنسے ملازمین کی مشکلات میں کمی لائی جاسکے۔
خیبرپختونخوا کی طرز پر پوسٹوں کی اپ گریڈیشن کا معاملہ اپریل کے آخر تک اسٹیبلشمنٹ ڈویژن کے ایم ایس ونگ کی جانب سے کی جانے والی اسٹڈی کے نتائج کی بنیاد پر طے کیا جائے گا۔
اس کے علاوہ ایڈہاک ریلیف/الاؤنسز کو تنخواہ میں ضم کرنے کا فیصلہ تنخواہ اور پنشن کمیشن کی رپورٹ پر کیا جائے گا اور معاہدے کے مطابق بنیادی تنخواہ میں ضم کیا جائے گا۔