پی ٹی آئی کے رکن قومی اسمبلی حاجی خیال زمان انتقال کرگئے

ہنگو سے پاکستان تحریک انصاف کے رکن قومی اسمبلی و پارلیمانی سیکریٹری حاجی خیال زمان انتقال کرگئے ہیں۔
مرحوم گزشتہ کئی عرصے سے کینسر کے عارضے میں مبتلا تھے۔ ان کی نماز جنازہ منگل کی دوپہر 2 بجے اسلام آباد میں ادا کی جائے گی۔
خیبر پختونخوا کے وزیراعلی محمود خان نے رکن قومی اسمبلی خیال زمان کے انتقال پر افسوس کا اظہار کرتے ہوئے مرحوم کے اہل خانہ سے دلی ہمدردی اور تعزیت کا اظہار کیا ہے۔ اپنے تعزیتی پیغام میں انہوں نے مرحوم کی معفرت اور پسماندگان کے لئے صبر جمیل کی دعا کی ہے۔