پی ایف یو جے کی کال پر پریس کلب کے باہر صحافی اطہر متین کے قتل کے خلاف مظاہرہ کیا گیا۔ کوئٹہ پریس کلب کے باہر بلوچستان یونین آف جرنلسٹس کے زیر اہتمام مظاہرے کے شرکانے صحافی اطہر متین کے قتل کے خلاف سخت نعرے بازی کی اورقاتلوں کی گرفتاری کا مطالبہ کیاگیا۔ مظاہرہ سے پی ایف یو جے کے نائب صدر سینئر صحافی سلیم شاہد ،بی یوجے کے صدرعرفان سعید اور پریس کلب کے صدر عبدالخالق رند نے خطاب کرتے ہوئے حکومت سندھ کو شدید تنقید کانشانہ بنایا انہوں نے کہا کہ صحافیوں کے خلاف کارروائیاں بڑھتی جا رہی ہیں صحافی اطہر متین کے قتل کا واقعہ انتہائی قابل مذمت ہے سندھ حکومت خود راہزانی کی وارداتوں میں اضافے کا اعتراف کر رہی ہے۔انہوں نے سندھ حکومت سے مطالبہ کیا کہ صحافی اطہر متین کے قاتلوں کو کٹہرے میں لایا جائے۔
No related posts.