گرلز کیڈٹ کالج کیچ تربت کے لیڈی کیڈٹس کے بیچ نے اپنی فیکلٹی ممبران نے کمشنر مکران ڈویژن کے ہمراہ ہیڈ کوارٹر ایف سی ساؤتھ کیچ تربت کا دورہ کیا۔
طالبات و فیکلٹی ممبران سے خطاب کرتے ہوئے آئی جی ایف سی ساؤتھ میجر جنرل کمال انور چوہدری نے کہا کہ تربت میں معیاری تعلیم و تربیت کی فراہمی میں گرلز کیڈٹ کالج تربت کا کردار نمایاں ہے۔ تعلیم یافتہ نوجوان ہی ملک اور صوبے کی ترقی میں اہم کردار ادا کرتے ہیں۔ بلاشبہ بلوچستان کے نوجوان سب سے زیادہ باصلاحیت اور محنتی ہیں۔
آئی جی ایف سی ساؤتھ میجر جنرل کمال انور چودھری نے کہا کہ ایف سی بلوچستان میں مقامی نوجوانوں بالخصوص خواتین کی شمولیت بہت خوش کن بات ہے۔طالبات اور فیکلٹی ممبران کو ایف ایم ریڈیو اسٹیشن اور یاد گار شہدا کا بھی دورہ کرایا گیا۔ آئی جی ایف سی ساؤتھ میجر جنرل کمال انور چوہدری کی جانب سے طالبات اور فیکلٹی ممبران کے اعزاز میں افطاری کا بھی بندوبست کیا گیا۔
گرلز کیڈٹ کالج کیچ کا دورہ ہیڈکوارٹر ایف سی ساوتھ
القمر