سفاک ملزم نے بیوی اور 4بچوں کو قتل کردیا

کوئٹہ کے قریب واقعہ قصبے کچلاک میں ملزم نے بیوی اور 4 بچوں کو بڑی سفاکی سے قتل کر دیا۔
پولیس کے مطابق مقتولین کے گلے تیز دھار آلے سے کاٹے گئے ہیں۔کچلاک پولیس نے بتایا ہے کہ قتل ہونے والے بچوں میں 2 بیٹے اور 2 بیٹیاں شامل ہیں جن کی عمریں 5 سے 11 سال ہیں۔پانچوں مقتولین کی لاشوں کو پوسٹ مارٹم کے لیے اسپتال منتقل کر دیا گیا ہے۔
پولیس کا کہنا ہے کہ ملزم کو گرفتار کیا گیا ہے ۔ابتدائی تفتیش کے مطابق ملزم نے دو شادیاں کیں ہیں ۔مزید تفتیش جاری ہے۔