یوٹیلٹی اسٹورز پر سبسڈی واپس لے لی گئی

یوٹیلیٹی اسٹورز کارپوریشن کے ترجمان نے اشیاء کی قیمتوں میں اضافے کے حوالے سے وضاحت جاری کرتے ہوئے کہا کہ ملک بھر کے یوٹیلیٹی سٹورز پر وفاقی حکومت کی طرف سے رمضان ریلیف پیکج کے تحت یکم اپریل سے 19 اشیاء پر سبسڈی دی جارہی تھی۔
اب یہ سبسڈی 19 اشیاء کی بجائے 5 بنیادی اشیاء پر جاری رہےگی۔ جن 19 اشیاء پر سبسڈی دی جارہی تھی ان میں چینی، آٹا، گھی، آئل، چائے، پیکٹ دودھ، بیسن، سفید چنا، کجھور، سیلہ چاول، باسمتی چاول، ٹوٹا چاول، دال ماش، دال مونگ، دال چنا، مشروبات اور۔مصالحہ جات شامل تھے اب سبسڈی ختم ہونے سے ان کی قیمتیں معمول کے مطابق ہوگئی ہے اور اپنی پرانی پوزیشن پر چلی گئی ہے اس میں اضافہ نہیں کیا گیا ہے۔
یہاں یہ بات قابل ذکر ہے کہ جن اشیاء پر سبسڈی ختم ہوگئی انکی معمول کی قیمتیں بھی عام مارکیٹ کی نسبت بہت کم ہے۔
وفاقی حکومت نے خصوصی سبسڈی کا سلسلہ جنوری 2020 سے شروع کیا تھا اسکو مئی اور جون کے مہینے میں بھی جاری رکھا جائیگا تاکہ عوام کو زیادہ سے زیادہ سہولت دی جائے۔
اس سبسڈی کے تحت گھی 260 روپے فی کلو، چینی 70 روپے فی کلو جبکہ آٹے کا 10 کلو تھیلہ 400روپے میں فراہم کیا جائے گا اسکے علاوہ دالوں اور چاول پر بھی سبسڈی دی جائیگی۔
اس سبسڈی سے مستفید ہونے کیلئے قومی شناختی کارڈ کی کاپی دینا لازم ہوگا تاکہ اس سبسڈی کو عوام تک خوش اسلوبی کے ساتھ پہنچایا جا سکیں اور زیادہ لوگ مستفید ہو سکیں۔