کراچی کے مصروف ترین علاقے کھارادر کی بولٹن مارکیٹ میں دھماکہ ہوا ہے۔ دھماکے میں ایک خاتون جاں بحق جبکہ 6 افراد زخمی ہو گئے ہیں۔امدادی کارروائیاں جاری ہیں۔زخمیوں کو طبی امداد کے لیے اسپتال منتقل کر دیا گیاہے۔ دھماکے کی آواز شہر میں دور دور تک سنی گئی۔ دھماکے کی اطلاع ملنے پر رینجرز نے فوری طور پر علاقے کو گھیرے میں لے لیا۔ دھماکے کے باعث مارکیٹ میں کھڑی موٹرسائیکلیں تباہ ہو گئیں ارد گرد کی عمارتوں کو بھی نقصان پہنچا ہے وزیر داخلہ نے دھماکے کی رپورٹ طلب کرتے ہوئے زخمیوں کو طبی امداد کی بہترین سہولیات کی فراہمی کے احکامات جاری کیے ہیں۔
پولیس کے مطابق دہشت گرد پولیس موبائل کو نشانہ بنانا چاہتے تھے۔