سوات میں گبین جبہ کے قریب سیاحوں کی پک اپ ندی میں جاگری۔ حادثہ میں 11 افراد جاں بحق
اور 4 زخمی ہوگئے۔ پولیس کے مطابق ان افراد کا تعلق ایک ہی گاؤں سے تھا۔ سیر وتفریح سے
واپسی پر حادثہ کا شکار ہوئے۔
گاڑی 150 فٹ کی اونچائی سے نیچے ندی میں جاگری۔ لاشیں اور زخمی تحصیل ہیڈکوارٹر اسپتال
مٹہ منتقل کیے گئے۔
دوسری جانب مانسہرہ میں گڑھی حبیب اللہ سے سہالی جانیوالی مسافر گاڑی مکڑوئی کے قریب کھائی
میں گرگئی۔ایک ہی گھر کی 3 خواتین جاں بحق اور ایک شخص زخمی ہوگیا۔ بدقسمت خاندان کے افراد
ایک فوتگی سے واپس گھر جارہے تھے۔
اس طرح دو حادثات میں مجموعی طور پر 14 افراد جاں بحق اور کئی زخمی ہوئے.