محرم کے انتظامات علماء کی وزیراعلی سندھ سے ملاقات

وزیراعلیٰ سندھ سید مراد علی شاہ سے شیعہ علمائے اکرام نے محرم الحرام میں انتظامات کے سلسلے میں ملاقات کی۔
ملاقات میں صوبائی وزیر بلدیات ناصر شاہ، مشیر قانون مرتضیٰ وہاب، مشیر برائے مذہبی امور فیاض بٹ، چیف سیکریٹری سہیل راجپوت، آئی جی پولیس غلام نبی میمن، سیکریٹری داخلہ سعید منگنیجو، ایڈیشنل آئی جی کراچی اور دیگر حکام شریک ہوئے۔
علمائے اکرام میں علامہ سید شہنشاہ حسین نقوی، مولانا سید رضی حیدر زیدی اور دیگر شریک ہوئے۔
وزیراعلی مراد علی شاہ نے کہا محرم کی سیکیورٹی کے انتظامات کئے گئے ہیں۔ پولیس نے سیکیورٹی کے جو انتظامات کئے ہیں ان پر علماء کو بھی اعتماد میں لیا گیا ہے۔ میں علماء کا شکرگذار ہوں کہ انھوں نے فرقہ وارانہ ہم آہنگی کو بڑھایا ہے۔ وزیراعلیٰ سندھ کو سیکیورٹی اور دیگر انتظامات کے حوالے سے تجاویز دیں۔ جس پوزیراعلیٰ سندھ نے علماء کو یقین دلایا کہ انکی تجاویز پر عمل ہوگا۔