وزیراعلیٰ سندھ سید مراد علی شاہ نے اجلاس کی صدارت کرتے ہوئے کورنگی کراسنگ اور حب کینال کی بحالی کے منصوبے کی تعمیر کی منظوری دی ہے اور محکمہ لوکل گورنمنٹ کو ہدایت کی ہے کہ وہ دونوں منصوبے ایک سال کے اندر مکمل کریں۔انہوں نے یہ ہدایات بدھ کو وزیراعلیٰ ہائوس میں شہر میں شروع کیے جانے والے مختلف منصوبوں کا جائزہ لینے کے حوالے سے منعقدہ اجلاس کی صدارت کرتے ہوئے جاری کیں۔ اجلاس میں وزیر بلدیات سید ناصر شاہ، ایڈمنسٹریٹر کے ایم سی مرتضیٰ وہاب، چیف سیکرٹری سہیل راجپوت، چیئرمین پی اینڈ ڈی حسن نقوی، سیکرٹری خزانہ ساجد جمال ابڑو، سیکرٹری لوکل گورنمنٹ نجم شاہ، وزیراعلیٰ سندھ کے اسپیشل سیکرٹری رحیم شیخ اور ایڈیشنل سیکرٹری خزانہ اسدزعیم نے شرکت کی۔ اجلاس کے آغاز میں وزیراعلیٰ سندھ نے کہا کہ کورنگی کاز کو پل کی ضرورت ہے۔ انہوں نے کہا کہ موجودہ کاز وے مون سون کے موسم میں زیر آب آجاتا ہے، اس لیے کورنگی اور ملیر کے لوگوں کو شدید مشکلات کا سامنا کرنا پڑتا ہے۔ پل کی تعمیر سے کورنگی اور ملیر کی 28 فیصد آبادی کو سہولت ہو گی۔ وزیراعلیٰ سندھ کو بتایا گیا کہ پل کی تعمیر کے لیے دو آپشنز موجود ہیں۔ پہلا یہ کہ چار لین والا پل یا پھر دوسرا چھ لین والا پل تعمیر کیا جائے۔ اس پر وزیر اعلیٰ سندھ نے کہا کہ اسے چھ لین کا ہونا چاہیے تاکہ اگلے 20 سال تک علاقوں کی ضرورت پوری ہو سکے۔ مقامی حکومت نے کہا کہ اس پر تقریباً 5 ارب روپے لاگت آئے گی اور اسے دو سال میں مکمل کر لیا جائے گا۔ وزیراعلیٰ سندھ نے مقامی حکومت کو ہدایت کی کہ اسے ایک سال میں مکمل کیا جائے جس کے لیے اولین ترجیحی بنیادوں پر کام شروع کیا جائے۔ میں آپ کو صرف ٹینڈرنگ میں جانے کے لیے فنڈز فراہم کروں گا۔ سیکرٹری لوکل گورنمنٹ نجم شاہ نے بتایا کہ پل کی معیاد 80 سال ہوگی اور یہ 1.6 کلومیٹر کا پل ہوگا۔ وزیراعلیٰ سندھ نے منصوبے کی منظوری دے دی۔
وزیراعلیٰ سندھ نے محکمہ پی اینڈ ڈی کو ہدایت کی کہ وہ جام صادق پل کی اسکیم نئے سرے سے تیار کی جائے اور اسے بھی اگلے تین ماہ میں شروع کر دیا جائے۔ بی آر ٹی بس سروس کے لیے عالمی بینک کا مجوزہ متبادل پل بھی تعمیر کیا جائے گا۔
وزیر بلدیات ناصر شاہ نے وزیراعلیٰ سندھ کو بتایا کہ حب کینال منصوبہ میں حب ڈیم کی تعمیر (کینال پلس پائپ ہائبرڈ) پانی کی ترسیل اور حب فلٹریشن پلانٹ کی بحالی شامل ہے، جس سے اس کی صلاحیت کو 80 سے بڑھا کر 100 ایم جی ڈی آپریشن کرنا شامل ہے۔ نہر اور پائپ کی بحالی پر 14 ارب روپے لاگت آئے گی۔ وزیراعلیٰ سندھ کو بتایا گیا کہ یہ منصوبہ پی پی پی موڈ کے تحت شروع کیا جائے گا اور دو سال میں مکمل کیا جائے گا۔ وزیراعلیٰ سندھ نے کہا کہ پی پی پی موڈ پر منصوبے کے آغاز میں وقت لگے گا، اس لیے ان کی حکومت اس شرط کے ساتھ اس منصوبے کو فنانس کرے گی کہ اسے ایک سال میں مکمل کیا جائے۔ انہوں نے کہا کہ اگر کوئی پرائیویٹ پارٹی شراکت داری کی بنیاد پر اس منصوبے پر کام کرنے کے لیے آتی ہے تو سندھ حکومت کی جانب سے استعمال ہونے والے فنڈز کو برج فنانس میں تبدیل کر دیا جائے گا لیکن اس منصوبے میں تاخیر نہیں ہو سکتی۔ مقامی حکومت نے وزیراعلیٰ سندھ کو یقین دلایا کہ یہ منصوبہ ایک سال میں مکمل کر لیا جائے گا۔ وزیراعلیٰ سندھ نے محکمہ خزانہ کو ہدایت کی کہ وہ فنڈز کا بندوبست کریں اس دوران لوکل گورنمنٹ ٹینڈرنگ کا کام شروع کردے گی۔
وزیراعلیٰ سندھ کو بتایا گیا کہ 65 ایم جی ڈی بلک واٹر سپلائی کا منصوبہ کیجھر گجو کینال سے ہائی پوائنٹ تک جس میں گھارو واٹرپمپنگ اسٹیشنز کی تعمیر بھی شامل ہے۔ وزیر بلدیات ناصر شاہ نے کہا کہ اس منصوبے پر تقریباً 9 بلین روپے لاگت آئے گی، اس لیے اسکیم پر نظر ثانی کی گئی ہے۔ انہوں نے کہا کہ اس شہر کو پانی کی ضرورت ہے اور ہم پانی کے منصوبوں میں تاخیر نہیں کر سکتے۔ انہوں نے محکمہ کو ٹینڈرنگ کا عمل شروع کرنے کی ہدایت دی تاکہ کام بروقت شروع کیا جا سکے۔
سید ناصر شاہ نے وزیراعلیٰ سندھ کو بتایا کہ کے ڈبلیو ایس بی کے پانچ ایم جی ڈی ،سی واٹر ڈی سیلینیشن پلانٹ کا منصوبہ پہلے ہی منظور ہو چکا ہے۔ یہ پلانٹ ابراہیم حیدری، کورنگی میں نصب کیا جائے گا۔ انہوں نے مزید کہا کہ اس کی فزیبلٹی ایک پرائیویٹ فرم کر رہی ہے اور اس کی پری کوالیفکیشن دستاویز لانچ کے لیے تیار ہے۔ اس پر وزیراعلیٰ سندھ نے محکمہ لوکل گورنمنٹ کو ہدایت کی کہ منصوبے کی لاگت اور فی گیلن پانی کی قیمت کا تعین کیا جائے تاکہ اس کا تخمینہ لگایا جا سکے۔ انہوں نے مزید کہا کہ اگر فی گیلن پیداواری لاگت ممکن ہو تو مزید منصوبے شروع کیے جا سکتے ہیں۔ وزیراعلیٰ سندھ نے محکمہ لوکل گورنمنٹ کو ہدایت کی کہ وہ واٹر بورڈ کے پانی کی تقسیم کے نظام پر توجہ دیں۔ پانی کی فراہمی کے حوالے سے اسے بہتر کرنے کی ضرورت ہے۔
No related posts.