ڈیفنس کلفٹن میں بارش کا پانی جمع ہونے کی وجہ سے زندگی اجیرن ہونے پر مکین سندھ ہائی
کورٹ پہنچ گئے.
درخواست کی سماعت کرتے ہوئے سندھ ہائی کورٹ کے جسٹس اظہر حسن رضوی نے کراچی
کے پوش علاقے ڈیفنس کو رہائش کے لیے ڈراؤنا خواب قرار دے دیا۔
عدالت نے ریمارکس دیے کہ بارش کی وجہ سے لوگوں کو نقصان ہوا اور پانی جمع ہونے سے گندگی
الگ پھیل رہی ہے۔ ایسی صورت حال میں جائیدادوں کی قیمتیں بھی گر گئی ہیں اس سے علاقہ
مکین پریشان ہیں۔
عدالت نے اگلی سماعت پر مزید تفصیلات طلب کر لی ہیں۔ اس موقع پر عدالت کو بتایا گیا کہ ڈیفنس 4
اور 6 میں نالہ بنانے کا ٹھیکہ این ایل سی کو دیا جاچکا ہے۔ ساتھ ہی این ایل سی کورنگی نالہ کی
صفائی کا کام بھی کر رہی ہے۔