مارشل آرٹس چمپئن احمد سفیر نے انڈیا کے این نارائن کا گینزبک آف ورلڈ ریکارڈ توڑ دیا۔ احمد سفیر دنیا کے تیز ترین پنچز کرنے والا کھلاڑی بن گیا۔
عالمی ریکارڈ یافتہ عرفان محسود کے شاگرد اور ڈیرہ اسماعیل خان سے تعلق رکھنے والے مارشل آرٹس چمپئن احمد سفیر نے ایک منٹ میں ایک کلو وزن کے ساتھ انڈیا کے نارائن کا 269 پنچز کا ورلڈ ریکارڈ 301 پنچز کر کے توڑ دیا۔ انڈیا کے این نارائن کا ریکارڈ توڑنے کے بعد احمد سفیر دنیا کے تیز ترین پنچز کرنے والا کھلاڑی بن گیا۔
احمدسفیرایک منٹ میں ایک کلو وزن کے ساتھ تیز ترین پنچز لگا کر پاکستان کا نام پوری دنیا میں روشن کردیا۔ ڈیرہ اسماعیل خان کے عوامی سماجی حلقوں نے گینزبک آف ورلڈ ریکارڈ میں نام شامل کرنے پر عرفان محسود کے شاگرد مارشل آرٹس چمپئن احمد سفیر کو بھرپور خراج تحسین پیش کیا ہے ۔انہوں نے کہا کہ احمد سفیر نے انڈیا کے نارائن کا ریکارڈ توڑ کر پاکستان اور اپنے علاقہ کا سرفخر سے بلند کر دیا ہے۔