سرگودھا سے شیخ عثمان
قرآن مجید فرقان حمید دنیا کا ایک بہت بڑا جیتا جاگتا معجزہ اور اس معجزے کو اپنے ہنر مند ہاتھوں سے کاغذ پر اتارنے والے سرگودھا کے علاقے بھلوال کے محمد انور کا کوئی ثانی نہیں۔ محمد انور نے اس قدر خوبصورت انداز میں اپنے ہاتھوں سے قرآن مجید کی عبارات کی خطاطی کی کہ دیکھنے والے حقیقت میں ہی دنگ رہ جاتے ہیں۔ ہاتھ سے تحریر کیئے جانے والے اس قرآن پاک کے ہر صحفہ پر اللہ تعالیٰ کا نام خصوصی انداز میں نمایاں کیا گیا ہے۔
میں نے قران مجید لکھنے کی سعادت حاصل کی ہے اس کی انفرادیت یہ ہے کہ یہ ایک فٹ چوڑا اور پانچ فٹ لمبا ہے۔ اس کے اوراق سیاہ ہیں یہ سات رنگوں سے لکھا گیا ہے۔ اس کی خاص بات یہ ہے کہ جس جگہ اللہ تعالیٰ کا نام آیا ہے اسے خصوصی طور پر ہائی لائٹ کیا گیا ہے۔ منفرد خطاطی میں تحریر کیئے گئے اس قران مجید کے حوالے سے محمد انور کا دعویٰ ہے کہ یہ اپنی طرز کا پوری دنیا میں واحد نسخہ ہے۔ سالوں کی محنت سے تیار کیئے جانے والے اس قرآن مجید کے خطاط حکومتی عدم توجہ کا شکوہ کرتے نظر آتے ہیں۔
محمد انور خطاطی کے نسخے بیچ کر اپنا گزر بسر کر رہے ہیں، حکومتی تعاون انہیں اپنی زندگی بہتر انداز میں گزارنے کا موقع فراہم کر سکتا ہے۔