ویمنزایشیا کپ ٹی ٹوئنٹی میں پاکستان نے پانچویں کامیابی حاصل کرلی۔ آخری لیگ میچ میں سری لنکا کو پانچ وکٹوں سے ہرادیا۔سلہٹ میں سری لنکن ٹیم ایک سو بارہ رنز پر آؤٹ ہوئی۔عمیمہ سہیل نے پاکستان کی جانب سے مختصرفارمیٹ میں بیسٹ بولنگ کا مظاہرہ کیا۔ تیرہ رنز دے کر پانچ وکٹیں لیں۔قومی ٹیم نے ایک سو تیرہ رنز کا مطلوبہ ہدف سات گیندیں قبل حاصل کیا۔ندا ڈار نے چھبیس، عالیہ ریاض نے بیس اور عائشہ نسیم نے سولہ رنز بنائے۔ جمعرات کو سیمی فائنل میں پاکستان کا مقابلہ سری لنکا سے ہی ہوگا۔
پاکستان نے سری لنکا کو بھی شکست دے دی
القمر