کوٹلی کا غریب خاندان مسیحا کا منتظر

کوٹلی سے مبشر چوہدری
کوٹلی آزاد کشمیر کا غریب خاندان نہ صرف معاشی بدحالی کا کا شکار ہے بلکہ بیوی اپنے خاوند کے علاج کے لیے کسی مسیحا کی منتظر ہے۔ گھر کے واحد کفیل کی بیماری کے باعث گھر کا چولہا بھی ٹھنڈا پڑ گیا۔ 35 سالہ غریب محنت کش ہارون ،جو پیشہ کے اعتبار سے ٹرک ڈرئیور ہے ، ہارون کئی سالوں سے آنتوں کی بیماری میں مبتلا ہے۔
مرض بڑھنے سے گھر کا واحد کفیل ہارون چارپائی تک محدود ہوگیا جس سےگھر کا چولہا بھی ٹھنڈا پڑ گیا ،غربت کے چکی میں بیستی بیوی کے لیے اپنے خاوند کا علاج کروانا ناممکن ہے ،اٹ بیوی میرے خاوند آنتوں کی بیماری میں مبتلا ہیں، میری پاس جو زیور تھا بیچ کر علاج کرویا مگر اب ڈاکٹر نے کہا انکا ایک اور اپریشن کرنا ہے ، اب میرے لیے اپنے خاوند کا علاج کرونا ناممکن ہے۔
ہارون دو سال قبل شادی ہوئی ، مگر ہاتھوں کی مہندی ابھی اتری نہ تھی کے بیماری نے اسکو گیھر لیا، بیوی نے اپنا زیور بیچ کر خاوند کا اپریش کروایا مگر ، اب اسکی ہمت جواب دے گئی اور وہ اپنے خاوند کے لیے علاج کے لیے کسی مسیحا کی منتظر ہے۔
غریب خاندان جہاں کسی مسیحا کا منتظر ہے وہیں اہلخانہ نے حکومت سے اپیل کی ہے کہ ہارون کا سرکاری طور پر علاج کروایا جائے تاکہ وہ صحت یاب ہو کر اپنے خاندان کی کفالت کر سکے۔