کراچی میں غیرقانونی سات منزلہ عمارتیں گرانےکاحکم

سندھ ہائی کورٹ کا کراچی لیاقت آباد میں نوے گز کے پلاٹ پر غیرقانونی تعمیر سات منزلہ عمارتیں گرانے کا حکم۔ ریمارکس دیئے عمارت ایک دن میں تو نہیں بنی ہوگی ۔بلڈنگ کنٹرول اتھارٹی میں کس طرح کام چلایا جارہا ہے۔سندھ ہائی کورٹ میں کراچی لیاقت آباد میں نوے گز کے پلاٹ پر سات منزلہ عمارت کی غیرقانونی تعمیر کے خلاف درخواست پر سماعت ہوئی۔ عدالت نے ایس بی سی اے کے وکیل سےکہا کہ سندھ بلڈنگ کنٹرول اتھارٹی میں کس طرح کام چلایا جارہا ہے۔ ایس بی سی اے کے وکیل نے بتایا کہ عمارت نقشے کے بغیر بنی ہے،ایک ماہ میں گرادیں گے۔ عدالت نے ریمارکس دیئے لگتا نہیں ہے کہ ایس بی سی اے میں اتنی صلاحیت ہے۔ اس لئے آپ کا نام بھی لکھ رہے ہیں۔ چھ ہفتے بعد ڈائریکٹر ایس بی سی اے سینٹرل عمل درآمد رپورٹ کے ساتھ عدالت میں پیش ہوں۔درخواست گزار کے مطابق غیرقانونی طور پر تعمیر عمارت میں منظوری کے بغیر پورشنز بنادیئے گئے ۔