نواز شریف پر الزام لگانے والا تسنیم حیدر کون ہے؟

سابق وزیر اعظم عمران خان اور ارشد شریف پر حملہ کی منصوبہ بندی کا الزام میاں نواز شریف پر لگانے والے تسنیم حیدر سے متعلق حقائق سامنے آگئے ہیں۔

تسنیم حیدر کا تعلق گجرات کے علاقہ مدینہ سیداں سے ہے۔ تسنیم حیدر 2004 میں سانحہ مدینہ سیداں میں 16 افراد کے قتل اور 8 افراد کے زخمی ہونےکے مقدمہ کی ضمنی میں نامزد ہیں۔

مقتولین میں سید تسنیم حیدر شاہ کا بھائی سید وقار حیدر شاہ عرف بلے شاہ بھی شامل تھا۔ تسنیم حیدر سانحہ مدینہ سیداں کے بعد لندن چل گیا تھا۔ پولیس زرائع کے مطابق تسنیم حیدر ڈیڑھ سال قبل پاکستان آیا مقدمہ میں راضی نامہ کے بعد دوبارہ لندن چل گیا۔ اس وقت چوہدری پرویز الٰہی وزیر اعلیٰ پنجاب کی حکومت تھی اور تسنیم شاہ مسلم لیگ ن سے منسلک تھا لیکن کچھ عرصے سے تحریک انصاف کے رہنماؤں کے ساتھ دیکھے جارہے تھے۔