انگلینڈ کی آرمی سترہ سال بعد پاکستان کی سرزمین پر

انگلینڈ کی مشہور کرکٹ شائقین کی نمائندگی کرنے والی تنظیم بارمی آرمی پاکستان پہنچ رہی ہے۔ بارمی آرمی کراچی ملتان اور راولپنڈی میں شیڈول تینوں ٹیسٹ میچوں میں شرکت کرے گی۔ بارمی آرمی سترہ سال بعد پاکستان کا دورہ کرنے جا رہی ہے۔بارمی آرمی نے 2005 میں آخری بار پاکستان کا دورہ کیا تھا۔ بارمی آرمی کے ساتھ تقریباً 150 انگلش شائقین کرکٹ پاکستان پہنچ رہے ہیں۔ بارمی آرمی کا مشہور ٹرمپیٹر بھی انگلش شائقین کرکٹ کے ساتھ آ رہا ہے۔ بارمی آرمی نے پاکستان کے تاریخی دورہ کے لیے نئی شرٹ بھی متعارف کروائی ہیں۔ گزشتہ دنوں بارمی آرمی کے “السلام علیکم” ٹویٹ پر ہزاروں پاکستانی شائقین کرکٹ نے انہیں خوش آمدید کیا۔ بارمی آرمی پاکستان ٹیسٹ میچوں میں اپنے مخصوص کاسٹیوم میں شرکت کرے گی۔ بارمی آرمی دنیائے کرکٹ میں اپنے روایتی ترانوں اور کاسٹیوم کی وجہ سے مشہور ہے۔