پنجاب پولیس کے دھکے سے معمر خاتون ہلاک

پنجاب کے ضلع قصور کی تحصیل پتوکی کے نواحی علاقہ جمبر میں چھاپہ کے دوران پولیس اہلکار نے 65 سالہ خاتون کو دھکا دے مارا۔ دیوار پرسر ٹکرانے سے خاتون موقع پر ہی دم توڑ گئی۔

خاندان کے مطابق پولیس نے گھر پہ چھاپہ مارا اور ہمارے عزیز محمد حسین کی بجائے محمد آصف کو گرفتار کر کے لے جانے لگی۔ آصف کی والدہ نے بیٹے کو چھڑانے کی کوشش کی پولیس اہلکار نے اسے دھکا دیا جس سے سر دیوار سے ٹکرایا اور وہ چل بسی۔
خاتون کی ہلاکت کا مقدمہ 5سے 6 نامعلوم پولیس اہلکاروں کے خلاف درج کرلیا گیا ہے۔ پولیس کے مطابق تاحال یہ معلوم نہیں ہوسکا کہ کس تھانے کی پولیس نے ریڈ ماری تھی۔ اہل خانہ کے مطابق پولیس تحصیل چونیاں سے آئی۔