اسلام آباد میں جرائم کی شرح بڑھ گئی اغوا بھی ہونے لگے

ملک کے سب سے محفوظ تعین شہر اقتدار اسلام آباد میں جرائم کی شرح میں تشویشناک حد تک اضافہ ہوگیا ہے۔ ایک ہفتے میں ڈکیتی چوری اور دیگر سنگین نوعیت کے 393 واقعات رپورٹ ہوچکے ہیں۔ ایک ہفتے میں مختلف مقامات پر ڈکیتی کی 76 وارداتیں رپورٹ ہوئیں۔
گھریلو چوری کی اڑتیس واردتیں ہوئیں 69 موٹر سائیکلیں اور بارہ کاریں چوری کی گئیں۔
مختلف مقامات سے چھ خواتین سمیت 8 شہری اغواء ہوئے
ہائی سیکیورٹی والے شہر میں قتل کے دو اور اقدام قتل کے پانچ واقعات رپورٹ ہوئے۔ خاتون سے زیادتی کا ایک مقدمہ بھی درج ہوا۔
شہر کی بگڑتی صورت حال پر شہری پریشان ہیں۔ ان کا کہنا ہے کہ عالمی معیار اور ملک کا دارالحکومت ہونے کے باوجود اگر چوری ڈکیتی اور جرائم کے واقعات تسلسل سے ہوتے ہیں تو یہ انتظامیہ اور حکومت کے لیے سوالیہ نشان ہے۔