وفاقی حکومت نے ہائی اسپیڈ ڈیزل کی فی لیٹر قیمت میں 5 روپے کمی کا اعلان کردیا، ہائی اسپیڈ ڈیزل کی فی لیٹر نئی قیمت 288 روپے مقرر کردی گئی۔
وفاقی وزیر خزانہ اسحاق ڈار نے ڈیزل کی قیمت میں 5روپے فی لیٹر کمی کا اعلان کردیا جبکہ پیٹرول کی قیمت کو اسی نرخ پر برقرار رکھا گیا ہے۔
پیٹرول کی قیمت میں کوئی تبدیلی نہیں کی جارہی، پیٹرول کی فی لیٹر قیمت 282 روپے برقرار رہے گی۔
مٹی کے تیل کی فی لیٹر قیمت میں 10 روپے کمی کی گئی ہے، مٹی کے تیل کی فی لیٹر نئی قیمت 176 روپے 7 پیسے مقرر کی گئی ہے۔
وزیرخزانہ نے کہا کہ لائٹ ڈیزل کی فی لیٹر قیمت میں 10 روپے کمی کی گئی، لائٹ ڈیزل کی فی لیٹر نئی قیمت 164 روپے 68 پیسے مقرر کردی گئی۔
نئی قیمتوں کا اطلاق یکم مئی سے 15 مئی تک ہوگا۔
